15. augusta vokorā leluo saruna ar prīsteri Juri Zarānu, jis ari bazneicys tīsness lauleibu lītuos, lem, voi lauleibu var atzeit par spākā naasūšu. Piec studejom Italejā atsagrīzs Latvejā i jau vairuokus godus kolpoj Leivuona katuoļu draudzē. Prīsters, kas ogruok asūt sevi saucs par “revolucionaru”, skaita, ka bazneica na palykuse paguotnē, nu taišni ūtraiž, tei īt laikam pa prīšku. Aizrauteigā i reizem skorbā sarunā Zarāns skaidroj, kaida ir šudiņdīnys bazneica, kaida ir prīstera lūma tamā, i rūsynoj cylvākus dūmuot. Taipat jis stuosta, parkū ir tik lels anulātūs lauleibu skaits.
Vuordineicā Arņs Slobožanins i Valentins Lukaševičs runoj par vysaidu religeju svātceļnīkim. Sovukuort Dace Dambe īrokstā skaidroj, voi Lītovys karaļam Mindaugam patīsai ir kaida saisteiba ar Aglyunu. Jam bazilikys laukumā rudinī īcarāts pastateit pīminekli.

Raidejumu klausīs ite.