8. decembrī Latgolys Kulturviesturis muzejā (Atbreivuošonys alejā 102, Rēzeknē) nūtiks  Latgolys dyžgoram Ontonam Kūkuojam veļteits pasuokums: byus apsaverama dokumentaluo kina “Izdzeivuot pīdereibu. Dzeive gleznuos”, nūtiks tematiskys izstuodis atkluošona, nūsaslēgs akceja “Nofotografējies kopā ar “Antonu Kūkoju”!”, informej muzejpedagoge Inese Ločmele-Jansone. 

Tradicionalajā Viesturis šaļteņu pīturā muzejā sevkurs teik aicynuots apsastuot, izzynuot i kavētīs atmiņuos par dzejnīka, dramaturga, stuostnīka, publicista, muokslinīka, režisora, aktera, pedagoga, kulturys i sabīdryskuo darbinīka Ontona Kūkuoja (23.12.1940.-18.04.2007.) myuža ceļu.

8. decembrī 14.00 byus apsaverama dokumentaluo kina par O. Kūkuoju “Izdzeivuot pīdereibu. Dzeive gleznuos” (režeja – Voldemars Ivdris, montaža – Māris Justs, muzyka –  Sovvaļnīks, 2011).

16.00 nūtiks tematiskys izstuodis “Antona Kūkoja mantojums Latgales Kultūrvēstures muzeja krājumā” atkluošona. Izstuode byus apsaverama da 2016. goda 9. janvara. Muzykalu viestejumu izpiļdeis grupa “Trykmīņs” (Vinsents Kūkuojs, Rihards Kūkuojs i cyti).

Nūsaslēgs ari ituo gods akceja “Nofotografējies kopā ar “Antonu Kūkoju” Rēzeknē un piedalies 75. jubilejas fotoprezentācijas veidošanā!”. Kartenis ar īmyužynuotu šaļti pi Ontonam Kūkuojam veļteituo pīminekļa lyugums atsyuteit da 7. decembra iz  kukojs75@gmail.com.

Pasuokumūs īīšona bez moksys.