Leivuonā prezentēs stykla fabrikys atmiņu stuostu brošuru

Leivuonā prezentēs stykla fabrikys atmiņu stuostu brošuru

30. decembrī 14.00 Leivuonā, Latgolys muokslys i omotnīceibys centrā, nūtiks Leivuona stykla fabrikys darbinīku atmiņu stuostu brošurys “Dzīvais stikls. Līvānu stiklinieku stāsti” prezentaceja, informej Leivuona nūvoda pošvaļdeiba.

Pasuokumā pīsadaleit aicynuoti vysi intervātī stykla fabrikys darbinīki, kas radeja vareibu i veļteja sovu laiku brošurys radeišonys procesā. Taipat prezentacejā byus gaideiti ari cyti bejušī fabrikys darbinīki i cylvāki, kam duorga Leivuona stykla fabrikys pīmiņa, tai puļcejūt kūpā dūmubīdrus i kolegus, kas ar sovim vēļ napublicātajim atmiņu stuostim var paleidzēt turpynuot dorbu atmiņu stuostu dokumentiešonā, saglobuošonā i populariziešonā, paradzūt, ka prezentātajai brošurai byus ari turpynuojums.

Brošurā skaitami 13 bejušūs darbinīku atmiņu stuosti par laiku, kas aizvadeits, struodojūt Leivuona stykla fabrikā. Intervejis veice Ginta Kraukle, atmiņu stuosteituojus īmyužynuoja fotografs Juoņs Magdalenoks, brošurys dizainu izstruoduoja Raimonds Vindulis.

Brošura ar Leivuona styklinīku liktiņstuostim ir radeita, pasasokūt Vaļsts Kulturkapitala fonda atbolstam Latgolys kulturys programys projektā “Līvānu stiklotie stāsti”. Brošurys interesentim byus atrūnamys latvīšu, krīvu i angļu volūdā.

Skaiteit vaira par Leivuona stykla fabriku

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]