Reigā, Mencendorfa noma izstuožu zalā, da 7. janvara apsaverama Lilejis Zeiļys personalizstuode.

Keramike Lileja Zeiļa dzymuse 1958. godā Daugovpilī. Profesionalū izgleiteibu sajāmuse Rēzeknis Lītiškuos muokslys vydsškolys Keramikys nūdaļā. 1978. godā jei īsasaistejuse A. Paulāna Tautys lītiškuos muokslys studejis darbeibā. 1986. godā sajāmuse Tautys daiļomota meistara kvalifikaceju. 1992. godā suokuse patstuoveigys pūdnīka gaitys. Itūšaļt ir Daugovpiļs Nūvodpietnīceibys i muokslys muzeja Tautys lītiškuos muokslys studejis “Latgale” vadeituoja. Lileja Zeiļa regulari pīsadola izstuodēs i cytūs ar keramiku saisteitūs projektūs i Latvejā, i uorvaļstīs, kai ari nūzeimeigu laiku veļtej pedagogiskajam dorbam.

Muokslineica spielejās ar najaušeibom i voda tuos, rodūt sovus muokslys dorbus. Lileja plyudynoj, lej, tok kotrys juos dorbs ir vīnuota tīkšonuos caur najaušeibu iz harmoniskom kompozicejom, kuruos muokslineica nūdūd skateituojam.

Informacejis olūts: mencendorfanams.com

Karteņa: Publicitatis karteņa