Britu raidsabīdreiba BBC ruodeja televizejis kinu “World War Three: Inside The War Room”, kurymā modelāts Krīvejis uzbrukums Latvejai i kūdulīrūču izmontuošona Baļtejis vaļstīs: Latgolys piļsātā Daugovpilī ībryuk Krīvejai lojali spāki. Nūtikšonu atteisteiba rysynojās leidzeigai kai Ukrainys Austrumūs. Te “zalī ciļvieceni” sovuos aktivitatēs izmontoj tai sauktū “Latgolys karūgu”, tys palīk par separatisma simbolu.

Parkū izklaidis produkts roda satraukumu, voi kas taids eistyn var ītekmēt Latgolys tālu i Latgolys cylvāku dzeivi? Tys teik vaicuots cylvākim Daugovpiļs īluos, par ekonomiskajim zaudiejumim komeņtej Māris Bozovičs, Latgolys regiona atteisteibys agenturys prīšksādātuojs, nu “Kolnasātys” studejā dzeiveigā diskusejā pīsadola “Latgolys Radejis” dybynuotuojs Valdis Labinskis, Vineta Vilcāne, bīdreibys “Latgolys Studentu centrs” prīšksādātuoja, kai ari latgalīšu aktivists, bīdreibys “Latgolys Saeima” puorstuovs Harijs Bernāns.

Raidejumu klausīs ite.