Reigā, izstuožu centrā Kīpsolā, nu 26. da 28. februara nūtiks storptautyskuo gruomotu i izdevnīceibu izstuode „Latvijas Grāmatu izstāde 2016”.

Kai kotru godu daleibu ar latgalīšu gruomotu goldu jims ari bīdreiba „Latgolys Studentu centrs”, pīduovojūt vīnuvīt latgalīšu literaturu, gruomotys latgaliski i par Latgolu, kai ari suvenirus i latgalīšu muzykys diskus.

26. i 17. februarī izstuode apmaklātuojim byus atvārta nu 10:00 leidz 18:00, nu 28. februarī nu 10:00 leidz 17:00. Ari itymā godā dorbuosīs gruomotu mainis punkts.

KONKURSS!

„Latgolys Studentu centrs” pīduovoj laimēt īlyugumus iz izstuodi. Kab tyktu pi 2 īlyugumu, juoatbiļd iz vīnu nu vaicuojumu:

• Kaida i deļ kam ir tova meiluokuo latgalīšu gruomota?
• Kaidu i deļ kam latgalīšu gruomotu tu grybātu puorskaiteit?

Ar latgalīšu gruomotu dūmuota sevkura gruomota latgaliski ci gruomota par Latgolu ari cytuos volūduos.

Atbiļdi iz vīnu nu vaicuojumim, nūruodūt gruomotys nūsakumu i autoru, syuti iz epostu info@lakuga.lv leidz 24.februara pusnaktei, nūruodūt sovu vuordu, pavuordi i telefona numeri. Kai eposta temu nūruodeit “Konkurss”.

Treis konkursa uzvarātuoji tiks nūteikti izlūzis ceļā, i paziņuoti LaKuGys kontūs fb.com i twitter.com. Ar uzvarātuojim sasazynuosim personeigi.

Vaira par izstuodi pasuokuma sātys lopā.

Karteņa: pixabay.com