Vakar, 1. martā, Latvejis Nacionalajā operā i baletā tyka padūta Leluo muzykys bolva 2015. Bolvu par goda jaundorbu sajēme Andrejs Selickis par skaņdorbu “Šyupuļdzīsme Jēzum”.

“Šyupuļdzīsme Jēzum” tyka atskaņuota 28. novembrī Latgolys viestnīceibā GORS Latvejis Radejis kora 75. jubileja koncerta laikā. Pīmynātais koncerts sajēme ari bolvu kai goda koncerts.

Atguodynuosim, ka svātdiņ Andreja Selicka skaņdorbs sajēme ari Latgalīšu kulturys goda bolvu “Boņuks 2015” par lobuokū snāgumu akademiskajā muzykā.

Leluo muzykys bolva ir Latvejis augstuokais apbolvuojums muzykā i tyka padūta jau 22. reizi. Bolvu par myuža īguļdejumu sajēme pianists Ventis Zilberts, Latvejis akademiskuos muzykys populariziešonu pasaulī – komponiste Dace Aperāne, par izcylu interpretaceju – Reinis Zariņš, par izcylu snāgumu – “Sinfonietta Rīga”, par izcylu dorbu ansamblī – Ilona Meija. Par goda izvadumu tyka nūsaukts Erika Ešenvalda “Ziemeļu gaisma”, nu par goda jaunū muokslinīku – Georgijs Osokins.

Skaņdorba īroksts nu Latvejis Radejis kora 75 godu jubileja koncerta Latgolys viestnīceibā GORS 2015. goda 28. februarī

Karteņā: Latvejis Radejis kors sovā jubileja koncertā (autors: Andrejs Vasjukevičs)