Leldīnēs GORĀ koncertēs Igauņu saime

Leldīnēs GORĀ koncertēs Igauņu saime

Pyrmajuos Leldīnēs, 27. martā, Latgolys viestnīceibā GORS nūtiks dzīdūšuos Igauņu saimis koncerts “Vysi zīdi pļaveņā”.

Igauņu saimis kapelā nu Gaigalovys dorbojās pīci diveju paaudžu muzykanti: Rasma i Gunārs Igauņi, kai ari jūs meitys Laima, Marta i Liene. Jī kūpā muzicej jau cīši ilgu laiku, dūmūt cīši lelu īguļdejumu latgalīšu tautys muzykys populariziešonā i tradiceju uzturiešonā, kai ari ziņgu īraksteišonā i izpiļdeišonā. Praktiski vysi saimis lūcekli aktivai dorbojās muzykys jūmā i ari turpynoj pylnveiduot sovu muzykalū izgleiteibu.

Saime ir uzastuojuse Lītovā, Igaunejā, Pūlejā, Uzbekistanā, Italejā, Portugalē, Amerikā i cytur. Muzykanti ir daudzpuseigi i elasteigi, vīns nu izaicynuojumu saimei beja 2009. goda rudiņs, pīsadolūt LNT reikuotajā saimu dzīduošonys šovā “Dziedošās ģimenes”.

Leldīņu koncertā “Vysi zīdi pļaveņā” saime īskandynuos jaunuo albuma “Vysi zīdi pļaveņā” dzīsmis. Albumā īkļautys 17 latgalīšu tautysdzīšmu apdaris i latvīšu ziņgis. Koncertā pīsadaleis Gaigalovys pamatškolys bārnu folklorys kūpa “Purineņš”.

igaunu saime FI

Kalenders

Mar
14
Pīk
14:00 Seminars par Latgolys kulturys p... @ tīšsaistē
Seminars par Latgolys kulturys p... @ tīšsaistē
Mar 14 @ 14:00 – 15:00
Latgolys regiona atteisteibys agentura izsludynuojuse Vaļsts kulturkapitala fonda mierkprogramys “Latvīšu viesturyskūs zemu atteisteibys programa” projektu konkursā atbaļsteituos Latgolys kulturys programys 2025 regionalūs kulturys projektu konkursu. Informativais seminars par projektu konkursu nūtiks 14. martā 14.00 stuņdēs,[...]