Nu 2. da 9. juļa sovus svātkus svieteis Cyblys nūvods, pīduovojūt nūtikšonys vysaidom gaumem, viestej Cyblys nūvoda sātyslopa.

Nedelis laikā paradzātys vysaidys sportiskys aktivitatis, kai futbola saceņseibys, nūjuošonys puorguojīņs, pludmalis volejbola turnirs, orientiešonuos spēle, zyrgu rikšuošonys saceņseibys.

3. julī Eversmuižys Rūmys katuoļu bazneicā nūtiks goreiguos muzykys koncerts i kūpeiga lyugšona par Cyblys nūvodu i tuo ļaudim.

Paradzāti ari vairuoki koncerti estradēs i tautys nomūs. Zviergzdinē byus Cyblys nūvoda dzīdūšūs i muziciejūšūs saimu svātki, Pušmucovā – Cyblys nūvoda bārnu talantu svātki, nu Blontūs – svātku nūslāguma koncerts. Taipat piec orientiešonuos jaunīši teik aicynuoti iz diskoteku, nu svātki tiks nūslāgti ar balu, kurymā spielēs Ainārs Lipskis.