Juļa vydā piļsātys svātkus svieteis Kruoslovā
15. i 16. julī tiks svieteiti Kruoslovys piļsātys svātki, viestej Kruoslovys nūvoda sātyslopa.
Pīktdiņ, 15. julī, paradzāts spākaveiru šovs i jaunīšu grupu koncerts, nu leluokuos aktivitatis nūtiks sastdīnē.
16. julī svātki suoksīs jau nu poša reita – 7.00 tiks dūts starts zyvu giušonys saceņseibom “Krāslavas kauss 2016”. Nadaudz vāluok dorbu suoks ari omotnīku i sātys ražuotuoju tierdzeņš.
18. novembra laukumā byus nūjuotuoju puorguojīņa i veloturis starta vīta, tī nūtiks ari koncerts i motošovs. Kruoslovā varēs redzēt ari zyrgu sātys “Klajumi” figuraluos juošonys prīšknasumu, kai ari pīsadaleit “Kraslava Games” basketbola, futbola i volejbola turnirūs.
Kruoslovys Viesturis i muokslys muzejā nūtiks atmiņu stuņde, kas veļteita školuotuojam i nūvodpietnīkam Adolfam Pildegovičam, kam pi muzeja tiks atkluota ari pīminis pluoksne. Taipat tiks atkluota ari muokslineicys Ligitys Caunis gleznu izstuode.
17.00 piļs duorzā suoksīs storptautyskais kulinaruo montuojuma festivals, nu 20.00 parka estradē – svātku lelkoncerts i bals ar Ingu i Normundu.
