Atzeimojūt senlatvīšu saiminīku dīnu aba Jākuba i Annys dīnys, Saļņovys pogostā 23. julī teik organizātys svineibys dīnys garumā, kurūs laikā varēs tikt pi īmaņu zuoļu čaju laseišonā i izmontuošonā, baudeit lauku lobumus, izzynuot Saļņovys viesturis leiklūčus, atsapyust breivdobys pasuokumā i laistīs ļusteigūs daņčūs kūpā ar tautys muzykantim, informej Kuorsovys nūvoda turisma organizatore Inga Bernāne.

“Annasmuižas tēju” meistare Anna Danča gostus sovā saimisteibā “Annas” uzjims jau nu 15.00, kur aktivitatis ir sagataveitys vysim apmaklātuojim. Struodeiguokūs i zynuot kuoreigūs gaida meistarklasis, nu tūs, kam vaira atpyuta pruotā, vylynuos naskortuo doba i vareiba giut zivs muorkā pi sātys. Gosti tiks puļceiti ari pi gorduo zupys kotla i kūpā ar tautys muzykantim izdzīduos latgalīšu tautys dzīsmis.

Nu 19.00 varēs dūtīs napylnu stuņdi garā ekskursejā pa Saļņovu, īpazeistūt tuos viesturis nūslāpumus i Saļņovys muižys legendys. Sovukuort piec tam breivdobys estradē nūtiks Annys dīnys koncerts, kurymā pīsadaleis Dekteru i Kryšānu amatīrteatri, Kuorsovys kulturys noma deju kūpa “Senleja” i Rudzātu deju kūpa “Avene”. Vokora nūslāgumā byus eists zaļumbals da reita gaismys.

Vaira informacejis par pasuokuma gaitu i dasasaceišona apmekliejumam saimisteibā “Annas”- Anna Danča 26095757.