Bīdreiba „Latgolys Studentu centrs” aicynoj jaunīšus da 29. juļa dasasaceit daleibai seminarā „Atzolys”, kurs nu 18. da 21. augustam nūtiks gostu sātā „Višķezers”.

Seminara “Atzolys” mierkis ir veicynuot jaunīšu aktivu īsasaisteišonu demokratejis i piļsūniskys sabīdreibys veiduošonā, tūs izgleitojūt vaicuojumūs, kuri saisteiti ar socialekonomiskim faktorim i Latgolys regiona sovpateibom. Seminarā pīsadaleis vairuoki eksperti i lektori, uzjiemieji, pošvaļdeibu jaunuotnis darbinīki. Apvuiceibu laikā četru dīnu garumā jaunīši sajims nūdereigu informaceju i vareibu attteisteit sovys piļsūniskuos prasmis, tiks taiseiti ari video par piļsūniskumu i iniciativom.

Daleiba seminarā „Atzolys” ir bezmoksys, nu ir īrūbežuots dalinīku skaits, par tū jaunīšus vacumā nu 18 leidz 25 godim aicynoj jau sovlaiceigi syuteit motivacejis viestuli iz e-postu: daugovpils@lgsc.lv, nūruodūt tematu “Atzolys”.

Seminaru i projekta nūtikšonu finansej Sabīdreibys integracejis fonds nu Latvejis vaļsts budžeta leidzeklim.

Vaira dazynuošonys: Jurs Kučinskis, 22187649.