Itūnedeļ nūvoda svātki Bolvūs
20. augustā vysys dīnys garumā svātki tiks svieteiti Bolvu nūvodā. Itūgod tūs devize ir “Soli pa solim ar kino!”.
Kai viestej Bolvu nūvoda sātyslopā atrūnamuo informaceja, svātki tiks suokti 10.00 ar dīvkolpuojumu Bolvu Vyssvātuos Treisvīneibys Rūmys katuoļu bazneicā.
Jau nu 11.00 vysaidys ļustis i aktivitatis paradzātys Bolvu piļsātys parkā, nu 12.00 pi Bolvu azara nūtiks svātku atkluošona, muzicejūt grupai “Alu cilvēki”.
Vysys dīnys garumā kotrs varēs atrast koč kū sovai sirdei tyvu – byus i vysaidys sporta saceņseibys, spāka veiru paraugdemonstriejumi, zemissorgu paraugdemonstriejumi, kai ari rodūšuos darbneicys i puču mīļuotuoju sasatikšona.
15.30 Bolvu muižys koncertzalā varēs sasatikt ar režisoru Juoni Streiču, nu 16.00 Bolvu piļsātys parkā nūtiks “Dejas darbnīca” – hip-hop, zumbys, modernuos dejis, rokenrola prīšknasumi, kai ari Latvejis lobuokūs streetdance horeografu uzastuošona i meistarklase.
17.00 Bolvu piļsātys estradē koncertēs Normunds Rutulis, kam sekuos zīdu kompoziceju izsūle.
18.30 nu Bolvu KAC autostuovvītys suoksīs natradicionalūs braucamreiku paruode, nu pusstuņdi vāluok tīpat suoksīs svātku guojīņs.
19.30 Bolvu piļsātys estradē suoksīs svātku lelkoncerts, kurā pīsadaleis ari gosti: Ilona Bagele, “Laimas Muzykanti” i Nacionaluo teatra dzīdūšūs akteru ansamblis “Drama”. Vokora turpynuojumā zaļumbals ar Ingu i Normundu, kai ari grupu “Alu cilvēki”.
Karteņa: pixabay.com
