Leivuonā tiks atkluota Agnesis Aizpurietis izstuode

Leivuonā tiks atkluota Agnesis Aizpurietis izstuode

Sastdiņ, 3. septembrī, 14.00 Latgolys muokslys i omotnīceibys centrā nūtiks leivuonītis Agnesis Aizpurietis dekorativūs gleznuojumu izstuodis “Aiz…” atkluošona i sasatikšona ar muokslineicu, viestej Leivuona nūvoda sātyslopa.

“Maņ pateik spielētīs ar kruosom, tālim. Radeišona maņ ir meditaceja, process, kurā aizamierstu i sajamu prīcu. Jau nu bierneibys radzu tālus kryumu zorūs, izbyrušuos lītuos i iz nateiru sīnu. Puosoku pasauļs, naaiztaisūt acs – vyss apleik nirb. AIZ kotra nateiruma voi najaušys linejis pasaruoda stuosts, kurā verūtīs AIZamat jauna ideja, kas ļaun AIZasapynuot, AIZadūmuot i AIZliduot! Es ceru, ka kotram apmaklātuojam sirdī kas AIZagius,” tai Agnese Aizpuriete.

Agnese Aizpuriete dzymuse 1984. godā. Vuicejusēs Leivuona muokslys školā. Profesionali muokslys gaitys suokuse Līpuojā, kur laiceiguos muokslys galerejā “K. Māksla?” radeiti pyrmī muokslys projekti. 2007. godā Līpuojis Universitatē Agnese sajāmuse bakalaura gradus grafiskajā dizainā i pedagogejā ar muokslys i dizaina školuotuoja kvalifikaceju. 2010. godā sajāmuse muokslys magistra gradu. Pīsadalejuse vysaiduos grupu izstuodēs. 2015. godā nūtykuse pyrmuo dekorativūs gleznuojumu personalizstuode “Aiz…” Spīkeru rodūšuo kvartala muokslys kopejneicā “Dali”.

Paraleli gleznīceibai Agnese aizaraun ar ilustraceju. 2008. godā ilustrējuse gruomotys Klasiskuos muzykys akademejai (ASV). Vaira nakai septeņus godus Agnese struoduojuse storptautyskuo uzjāmuma “Deloitte” marketingā par grafiskū dizaineri. 2014. goda vosorā, atbolstūt projektu “Brīnumzeme”, veiduojuse sīnu zeimiejumus Bārnu Klīniskajā universitatis slimneicā.

2988

Kalenders

Jan
2
Cat
all-day Foto izstuode “Baba, kurū škārst... @ F. Trasuna muzejs "Kolnasāta"
Foto izstuode “Baba, kurū škārst... @ F. Trasuna muzejs "Kolnasāta"
Jan 2 all-day
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
Jan
6
Pyr
all-day Daugovpiļs Universitatis absolve... @ Lūznovys muiža
Daugovpiļs Universitatis absolve... @ Lūznovys muiža
Jan 6 all-day
Apjūmeiguo laikmeteiguos muokslys dorbu ekspoziceja apvīnoj magistra studeju programys “Muoksla” spūdruokūs 16 absolventu ostoņu godu periodā (2016.-2024.g.) realizātūs magistra dorbus pīcuos studeju programys rodūšajuos specializacejuos: dizains, gleznīceiba, grafika, keramika i tekstilmuoksla. Izstuode apsaverama da 2025.[...]