3. novembrī Latgolys pyrmizruodi pīdzeivuos režisora Vīstura Kairiša kina, kas uzjimta piec rakstneicys Melanejis Vanagys atmiņu romana “Veļupes krastā” motivu, informej Latgolys viestnīceiba GORS. Kinys pyrmizruodē Rēzeknē pīsadaleis ari “Melānijas hronika” rodūšuo komanda.

Kina “Melānijas hronika” ir stuosts par Latvejis sīvītem, kuruos izdzeivuoja, nasaverūt iz padūmu varys atjimtajim jauneibys sapynim, dzeivis lobuokajim godim, sātom, veirim, bārnim, sovu zemi i veseleibu. Tys ir stuosts par sīvītem, kuruos izdzeivuoja, kab pīdzeivuotū pīraksteitu i kab ari nuokušuos paaudzis naaizmierstu pīredzi, kurā ar varu tykom īrauti mes vysi.

1941. goda 14. juņa nakts Reigā. Varys puorstuovi ībryuk Aleksandra i Melanejis sātā, līk mūdynuot dālu Andreju i kuopt kravys mašynā. Stacejā veirīši teik škierti nu saimu. Aleksandrs atsavasaloj ar nūvieliejumu: “Audzynoj dālu!”. Deportātūs vad iz Sibiri lūpu vagonūs. Kab izpiļdeitu veira nūvieliejumu, Melanejai vysupyrma daīt izdzeivuot, piec tam – dzeivuot. Izsyutejums jū savad kūpā ar vysaidim cylvākim, tok izsyutejums ir dzeivis spīgeļattāls – škir tyvūs i satyvynoj tuolūs. Kara beiguos Sorkanais Krysts ļaun Melanejai aizsyuteit dālu Andreju iz Latveju. Vysu izsyutejuma laiku jei roksta Aleksandram viestulis i kruoj kastē, partū ka nazyna kur tuos nūsyuteit. 1957. godā Melaneju atbreivoj. Jei brauc iz Reigu, kur izzynoj, ka juos veirs Aleksandrs jau pyrma divpadsmit godu izsyutejumā mirs. Intelektuals vāruojums mudynoj Melaneju uzajimt atbiļdeibu dūmuotim bezcereiguos situacejuos i tikt vaļā nu pasivys upura lūmys, traumu transformejūt ciļvieceibā.

Kinys režisors ir Vīsturs Kairišs, nu golvonū, rakstneicys Melanejis Vanagys lūmu tamā attāloj Šveicis aktrise Sabīne Timoteo. Lūmuos: Edvīns Mekšs, Ivars Krasts, Guna Zariņa, Maija Doveika, Viktor Nemets, Edwin Leder, Evija Rudzīte, Baiba Broka, Kirils Zaicevs, Lilita Ozoliņa, Girts Krūmiņš, Astrīda Kairiša, Jana Čivžele.

Kinys pyrmizruode paradzāta 3. novembrī 18.00 Latgolys viestnīceibā GORS, nu papyldseanss nūtiks tamā pošā dīnā 21.00. Beleta cena iz kinu ir 3 eiro, beleti nūpierkami Latgolys viestnīceibys GORS i “Biļešu Paradīze” kasēs.