11. novembrī 18.00 Preiļu nūvoda Kulturys centrā nūtiks Luočplieša dīnai veļteits koncerts “Manas dzimtenes pusē. Komponistam Jānim Ivanovam 110”, viestej informaceja Preiļu nūvoda sātyslopā.

Koncertā pīsadaleis: Emma Aleksandra Bandeniece (čells), Zigurds Teikmanis, Jana Zelmene, Baiba Vecvanaga, Ance Skopane (klavīris), Ekaterina Molodova, Annija Austra Krēsliņa (soprani), Alberts Mārcis Bērziņš (tenors), Preiļu nūvoda školuotuoju kors “Latgale” (dirigents Edgars Znutiņš) i Jezupa Mediņa Reigys Muzykys vydsškolys simfoniskais orkestris (dirigents Pīters Plūme).

Koncerts tiks suokts ar Reigys Latvīšu bīdreibys Muzykys komisejis prīšksādātuoja Arvīda Bomika īvodvuordim.

Īīšona koncertā – bez moksys.

Komponists Juoņs Ivanovs dzims 1906. goda 9. oktobrī tagadejā Preiļu nūvodā – Babru sādžā. Juo simfonejis i skiciejumi viestej par Latgolys dobu i cylvāka puordzeivuojumim, sarežgeitim dvēselis i gora konfliktim, komponista dorbi teik skaiteiti par vīnu nu zynomuokajim latvīšu simfoniskuos muzykys paraugim, ar sovu novatorismu, nu reizē ari skumeiga lirika dobu jis vys vēļ dzeivoj muziku mutvuordu folklorā. Juoņs Ivanovs ir komponists, kurs saceriejs divdesmit vīnu simfoneju i lics pamatus latvīšu kompozicejis školai, bejs profesors Latvejis Vaļsts konservatorejā, struoduojs Latvejis Radiofonā kai skaņu režisors, bejs simfoniskuo orkestra dirigents, Latvejis Radejis raidejumu i televizejis komitejis muokslinīciskais vadeituojs, kai ari sajiems naskaitomys premejis.