Žurnals “A12” 24. novembrī 15.00 Latgolys Kulturviesturis muzejā, Rēzeknē, aicynoj skaiteituojus iz sasatikšonu, informej žurnala redaktore Ināra Groce.

Par žurnalu veiduošonu, skaiteituojim i žurnala varūnim stuosteis “A12” redaktore Ināra Groce i latgalīšu volūdys eksperte Sandra Ūdre. Apmaklātuojus prīcynuos Juoņa Ivanova Rēzeknis muzykys vydsškolys jaunī i talanteigī vokalisti Danutys Kārkliniecis vadeibā. Kotru apmaklātuoju gaida duovonys nu žurnala redakcejis.

Žurnals “A12” ir vīneigais Latvejis žurnals, kurs veidoj pozitivū informacejis telpu i stuosta par nūtikšonom i cylvākim par i ap Latgolu. Žurnala gosti ir dažaidi, populari i mozuok zynomi, nu vysim ir īdvasmojūši vuordi skaiteituojim. “A12” ir viestejs par dzymtom i viesturiskom nūtikšonom vysā Latgolā nu Osyuna da Brodaižys i Viļakys. Kotrā cylvāka stuostā redakceja atrūn tū spāku, ar kuru stuosteituojs var pasadaleit ar cytim.