Raidejums “Pi myusim Latgolā” sovus klauseituojus turpynoj īpazeistynuot ar Latgolys pošvaļdeibu deputatu kandidatim, kab dazynuotu, kai jī viertej dzeivis leimini sovuos pošvaļdeibuos, i kū planavoj dareit, kab tū uzlobuotu. Itūreiz žurnalists Tenis Bikovskis gasteja Latvejis ūtrajā leluokajā piļsātā – Daugovpilī.

Itamuos pošvaļdeibu vieliešonuos daugavpilīši sev simpatizejūšūs kandidatus varēs izavielēt pat nu 13 parteju sarokstu. Izaruod, ka jau vairuokus mienešus vītejī medeji izruoda pīkrisšonu konkretim sarokstim ci kandidatim, kai ari eistynoj apmalnojūšys kampanis.

Raidejuma “Pi myusim Latgolā” veiduotuojim izadeve sasatikt viņ ar septenim Daugovpilī kandidejušūs sarokstu pyrmajim numerim.