Kotru pīktdīni laikā nu 15.05 da 16.00 Latvejis Radejis 1 trejuos Latgolys frekveņcēs skanēs Latgolys multimedeju studejis veiduota programa, nu puorejuos LR1 frekveņcēs turpynuos skanēt īrostuo programa. Stuņdi garajā raidejumā “Latgolys stuņde” skanēs diskusejis ar Latgolys regiona uzjiemiejim, politikim i sabīdriski aktivim cylvākim, kai ari regiona aktualitatis i kulturys nūtikšonu afiša.

Pyrmajā raidejumā tuo vadeituojs Jurs Saukāns studejā aicynuoja Voldemāru Ivdri, Ināru Groci i Juri Viļumu, lai puorrunuotu da šam asūšūs regiona informativuos telpys styprynuošonys pasuokumus, Latgolys symtgadis kongresa rezonaņsi i pošvaļdeibu vieliešonu rezultatus.