“Pi myusim Latgolā” viestej par kulinaruo montuojuma festivalu Kruoslovā
Itymā nedeļgolā kruoslavīši aicynoj īpazeit na viņ Latgolys i sābru kulinarū montojumu, nu ari izbaudeit vysus lobumus kū pīduovoj Dīnvydlatgolys pērle – Kruoslova.
22. julī Kruoslovā nūtiks Storptautyskais kulinaruo montuojuma festivals “Gurķu svētki”. Kruoslovys turisma gide Inta Lipšāne stuosta, ka Latgola jau 13 godus ītylpst Eiropys kulinarajā teiklā. Kulinaruo montuojuma teikls apvīnoj 33 Eiropys regionus. Viņgod 35 Latgolys regiona bīdrim dasavīnuoja ari pa kaidam Kūrzemis i Vydzemis uzjāmumam.
Kulinaruo montuojuma iedīnim zynoma na viņ produktu izceļsme, nu ari sovs stuosts, kas īlykts kūka ci muola traukā, kurā iedīni pasnādz gostim. Itūgod Kruoslovā vītejuos saimineicys i gosti no Boltkrīvejis pasnīgs ogūrčus. Inta Lipšāne stuosta, ka Kruoslova ir ogūrču piļsāta, partū ite tī ir cīš gordi. Juodasoka, ka kulinaruo montuojuma festivalā apmaklātuojim byus vareiba paraudzeit ogūrčus ari vysaidūs natradicionalūs iedīņūs.
