Latvejis Radejis raidejumā “Kolnasāta” gostūs Lūznovys muižys puorvaļdneica Iveta Balčūne. Tikū paguojuši div godi, kai Iveta guodoj par muižu. Raidejumā teik atsavārts, kai Lūznovys muiža mainejuse regiona kulturys dzeivi, taipoš īsavārts muižys nuokūtnis planūs tyvuokajam laikam. Nupat uzsuokts projekts socialuos uzjiemiejdarbeibys veicynuošonai Rēzeknis nūvodā. Iveta ari atkluoj, kū Lūznovys muiža pīduovuos apmaklātuojim Eiropys kulturys montuojuma dīnuos 10. septembrī.

“Kolnasātys” nūslāgumā gords stuosts. Laura Ieviņa sasateik ar gūdu saimineicu Veroniku Nagli, kab dazynuotu kaidi ir latgalīšu iedīni, kū, braucūt gostūs iz Latgolu, gryb nūgaršuot turisti, i kas myusim pošim latgalīšim īt pi sirds.