Raidejumā “Kolnasāta” gastej apovu meistars ar vaira kai 35 godu pīredzi, uodys izstruoduojumu darbneicys SIA “Kristāla kurpīte” eipašnīks Andris Kačkāns. Juo darbneicā Rēzeknē izgataveitajuos kūrpēs i postoluos iz skotuvis kuop symtim Latvejis doncuotuoju. Andris teik izvaicuots par naparostū orūdu, kūrpu izgataveišonys procesu i juo panuokumu atslāgu.

“Vuordineicā” literats Valentins Lukaševičs i muzikis Arņs Slobožanins runoj par vuordu “duraks”.

Žurnaliste Laura Sondore-Strode stuosta par Kurpinīku krucifiksu. Tys tautā zynoms kai Boņuka krysts, jo radzams Juoņa Streiča kinā “Cylvāka bārns”. Niu uzsuokts dorbs pi tuo īkļaušonys aizsorguojamūs kulturys pīminekļu sarokstā.