Jau kaidu šaļti nūrit dorbs pi namaterialuo kulturys montuojuma saroksta izveidis, eksperti viertej sajimtūs dasacejumus. Kai nūteik viertiešona, piec kaidu kritereju nūsaceit, kas peļnejs byut itamā sarokstā, i kaidi ir leluokī izaicynuojumi namaterialuo kulturys montuojuma saglobuošonā? Raidejums “Kolnasāta” izvaicoj Rutu Cibuli, Namaterialuo kulturys montuojuma padūmis prīšksādātuoju.

Kaida sūluos byut itei zīma, i voi var ticēt dobys zeimem? Tū raudzeja nūskaidruot Laura Sondore-Strode, jei devēs pi dobys vāruotuoja Viļa Bukša iz Viļaku.

Literaturzynuotnīks Valentins Lukaševičs i muzikis Arņs Slobožanins “Vuordineicā” par vuordu “klāvs”. Tai latgaliski sauc vīnu nu kuormim, nu itys vuords atrūnams ari kalendarī, ni vīns viņ bārns nūkristeits par Klāvu.

7. oktobrī nūtiks pasauļa diktats latvīšu volūdā. Sovpus “Kolnasāta” sadarbeibā ar Latgalīšu kulturys ziņu portalu lakuga.lv pīduovuos itymā dīnā īspieju puorbaudeit latgalīšu rokstu volūdys zynuošonuos. “Kolnasātys” eterā 18.15 skanēs diktats latgaliski. Pīraksteitū piečuok varēs puorbaudeit portalā lakuga.lv.