Oktobrī Latvejā tradicionali nūteik UNESCO nedeļa. Itūgod tei nūsarysynuos nu 9. da 15. oktobra, i tuos tema ir “Kulturys montuojums lītuojumā”, akcentejūt kulinaruo montuojuma nūzeimi myusu dīnuos. UNESCO nedelis ītvorūs Raiņa muzejs Juosmuižā aicynoj interesentus iz kulinaruo montuojuma nūdarbeibom.

Raiņa muzejs Juosmuižā 11. oktobrī 12 stuņdēs aicynoj iz nūdarbeibu “Sīra sīšona”, kur saimineicys Anitys Jonānis vadeibā byus vareiba pīsadaleit i vuiceitīs sīt sīru, kai ari tū degustēt.

12. oktobrī 12 stuņdēs nūtiks nūdarbeiba “Sirnīku cepšona”, kur varēs īsavuiceit sirnīku aba bīzpīna pluocineišu gataveišonys prasmi.

Muzejs aicynoj dasaceit školānu grupys, interesentus iz nūdarbeibu, zvonūt 29487589 voi rokstūt e-postu: jasmuiza@memorialiemuzeji.lv. Vītu skaits īrūbežuots.

Īīšonys moksa: 1 eiro.