Alternativuo pankroka grupa “Gandreiž 10nīkā” pīduovoj jaunu videoklipu dzīsmei “Bļaunu”.

Par dzīsmi grupys liders Juoņs Kuzminskis soka: “Dzīsme ir emoceju liduojums, kuruos ir īspiejams izbaudeit, dzīžūt nu vysys sirds. Tei ir kai aicynuojums vysim pīsabīdruot dzīduot i muzicēt,  dorūt tū vēļ lobuok. Video paruoda, kai grupa gaida busu, kurs vess jūs i aparaturu koncerttūrī, bet tuo vītā dažaidu apstuokļu dieļ atbrauc vacs opeleits. Grupys bīdri puorjam situacejis vadeibu sovuos rūkuos, i, prūtams, vyss beidzās laimeigai.”

“Gandreiž 10nīkā” planūs asūt kotrai jau izdūtai dzīsmei uzfiļmēt videoklipu, prūtams, turpynojūt ari dorbu pi īrokstim i gatavejūtīs jaunai koncertiešonys sezonai ari uorpus Latvejis.