Režisora Vīstura Kairiša kinys “Piļsāta pi upis” vosorys fiļmiešonys perioda pyrmajā nedelē nūfilmātys vairuokys nūzeimeigys epizodis, informej kinys veiduotuoji.

14. julī Subatē nūsaslēdze Vīstura Kairiša spieļkinys “Piļsāta pi upis” vosorys fiļmiešonys perioda pyrmuo fiļmiešonys nedele. Dažaiduos lokacejuos Lītovā i Latvejā filmēje epizodis, kas atainoj laika pūsmu nu 1939. leidz 1941. goda, tymā skaitā padūmuu okupacejis periodu i padūmu karaspāka atsakuopšonu Ūtruo pasauļa kara suokumā. Fiļmiešonā pīsadaleja gon golvonūs lūmu atveiduotuoji Dāvis Suharevskis, Agnese Cīrule, Brigita Cmuntova nu Čehejis i Gundars Āboliņš, kas kinā tāloj žydu tierguotuoju Bernšteinu, gon daudzi masu skotu dalinīki.

Nu 16. juļa leidz mieneša beigu fiļmiešona turpynuosīs Kruoslovā.

Lāmumi, kas juopījam kinys golvonajam varūņam Ansim (Dāvis Suharevskis), napavysam nav vīnkuorši – jam juoteik skaidreibā ar sovom jiutim pret žydu meitini Zislu (Brigita Cmuntova) i šmukū aptikara meitu Naigu (Agnese Cīrule), kai ari juopaspiej izdzeivuot sarežgeitajūs i bīžū politiskūs varu maiņu laikmatūs 30. – 40. godu Latvejā.

Publicitatis karteišu autore ir fotografe Agnese Zeltiņa.