Kristaps Rasims i Rihards Lepers jaunā TV raidejumā atkluos Latgolu
Roksta autors: portals lakuga.lv
Nu 21. augusta ūtardīnēs LNT skateituojim byus īspieja īpazeit Latveju cīši eipašā kompanejā informativi izklaidejušā raidejumu cyklā “Atklāj Latviju”. Raidejums īpazeistynuos ar četru Latvejis nūvodu i Reigys naparostuokajom vītom, kulturviesturiskajom vierteibom i cylvākim. Īpazeit Latgolu aicynuos muzikis i aktīrs Kristaps Rasims.
Preteimā pīdzeivuojumim i jaunim atkluojumim skateituojus i sovus gostus – ari sabīdreibā zynomus ļauds – vess dzīduotuojs Ralfs Eilands i aktīri Andris Bulis, Rihards Lepers, Kristaps Rasims i Zane Dombrovska. Kristaps iz Latgolu aicynuojs vīneigū nu raidejuma vadeituoju, kurs pi juo vēļ nabeja bejs – Rihardu Leperu.
“Jī palyka patīsi laimeigi Laimis muzejā, Krystus Karaļa kolnā beja tyvuok Radeituojam i apbreinuoja vaira nikai 400 kūka skulpturys, sovukuort pi Čortoka azara sasajuta elleigi labi i spēlēja golfu,” par gaidomū raidejumā atkluoj “All Media Latvia” sabīdriskūs attīceibu vadeituoja Kristīne Melne.
Kanalā LNT raidejumu “Atklāj Latviju” varēs vāruot ūtardīnēs 21.10 stuņdēs.
Publicitatis karteitis.
