Rokstu sagataveja: portals lakuga.lv

Leidz 12. septembram školuotuojus aicynoj pīsaceit Nikodema Rancāna bolvai Latgolys izcyluokajim pedagogim. Konkursa mierkis – ir styprynuot pedagoga profesejis prestižu un atpazeistameibu sabīdreibā, gūdynojūt izcylu veikumu pedagogiskajā darbeibā, latvyskuos un latgaliskuos kulturys tradiceju īaudzynuošonu jaunajā paaudzē.

N. Rancāna konkursa bolvu ir īdybynuojuse Latgalīšu kulturys bīdreiba, bet konkursa reikuošonu atbolsta ari Rēzeknis Tehnologeju akademeja i Latgolys pošvaļdeibys.

Konkursam var pīsaceit pedagogus pīcuos nominacejuos: 1) par latgalīšu volūdys, kulturys viesturis, nūvodvuiceibys populariziešonu i īvīsšonu vuiceibu voi studeju vidē, 2) par inovativu metodikys lītuojumu apvuiceibys procesā, 3) par myusdīneigu i rodūšu pīeju školānu dorba tykuma audzynuošonai i omotu apvuiceibai, 4) par veiksmeigu pedagoga debeju (na vairuok kai pedagogim ar 3 godu darba stažu). Pīktuo nominaceja ir guojuse kluot piec pošu pedagogu lyuguma – par latvyskuos i latgaliskuos kulturvidis veiduošonu pyrmsškolys izgleiteibys īstuodēs. Aizpiļdeitys dasacejumu anketys gada da 12. septembra iz e-posta adresi ilga.suplinska@gmail.com.
Konkursa nūslāguma pasuokums nūtiks Preiļūs 23. septembrī.

Konkursa nūlykums i pīsacejuma anketa.