Rokstu sagataveja: portals lakuga.lv

Ituo goda 8. septembrī Kuorsovys nūvoda dobys parkā “Numernes valnis” nūtiks, īspiejams, pādejais nakts sieņuošonys festivals “Ejom bakuot!”. Septeņu godu garumā bīdreiba “Kārsavas novada jauniešu centrs “Pūga”” sadarbeibā ar Kuorsovys nūvoda pošvaļdeibu, Dobys aizsardzeibys puorvaļdi i A/S “Latvijas valsts meži” ir organiziejuse vīneigū nakts sieņuošonys pasuokumu Latgolā. Tys kotru godu ir pulcynuojs vaira nakai 100 dobys mīļuotuojus i azartiskus sieņuotuojus .

Nūsacejumi dalinīkim palīk namaineigi – atrast vēļ divus sieņu paziniejus, ar kū kūpā dūtīs pīdzeivuojumā, pagiut leidza nazeišus, gaismekļus i skalinis, kur salikt brangū lūmu. Ari apgierbs i apovi, kas pīmaklāti atbylstūši laika apstuoklim, paleidzēs justīs energiski vysu festivala laiku.

Tradicionali sieņuotuoju lūms tiks vārtāts vairuokuos nominacejuos, kurom tiks pasnāgtys pīminis bolvys, bet zupa, kas gataveita meža vydā, byus eipaši suoteigs nūslāgums sieņu medeibom. Piec apbolvuošonys byus muzikals vokors pi gunkura kūpā ar muziki Arni Slobožaninu.
Komandu registraceja nūtiks leidz plkst, 21.00. Tikšonuos vītys GPS koordinatis 56.846549, 27.4798143, karti var atrast ite.
Vaira informacejis pa telefonu 28343926 (Jurs Vuorkaļs).