Rokstu sagataveja: portals lakuga.lv

23. septembrī Preiļūs nūtiks Nikodema Rancāna bolvys Latgolys izcyluokajim pedagogim padūšonys ceremoneja. Konkursam itūgod ir pīsaceiti 15 nominanti, informej Latgalīšu kulturys bīdreiba.

Nikodema Rancāna bolva īdybynuota 2015. godā par gūdu izcylajam Latgolys sabīdryskajam darbinīkam, goreidznīkam i pedagogam Nikodemam Rancānam. Konkursa mierkis ir styprynuot pedagoga profesejis prestižu i atpazeistameibu sabīdreibā, gūdynojūt izcylu veikumu pedagogiskajā darbeibā, latvyskuos un latgaliskuos kulturys tradiceju īaudzynuošonu jaunajā paaudzē.

Žureja nominantu sasnāgumus vērtēs pīcuos nominacejuos. Itūgod atsevišķa nominaceja izsludynuota ari pyrmsškolys īstuožu darbinīkim. Konkursa rezultatus paziņuos 23. Septembrī svineigajā ceremonejā Preiļu nūvoda kulturys centrā. 13. Stuņdēs suoksīs dalinīku registraceja, 14.00 stuņdēs bolvys padūšona. Pasuokuma eipašais gosts byus Ilona Bagele i Preiļu Muzykys i muokslys školys audziekni. Piec ceremonejis naformalys sarunys pi čaja kruškys.

Pasuokuma dīnā kulturys nomā byus apsaverama Jāzepa Pīgožņa bolvys Latvejis ainovu gleznīceibā izstuode.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.