Autore: Ināra Groce, žurnals “A12”

Dizaina objekti īluos palīk par pylsātys dzeivis vidis naatjamamu elementu. Lai prīcātu bārnus i izlobuotu uortelpu pyrmsškolys izgleiteibys īstuodēs, bīdreiba “Siera klubs” sadarbeibā ar profesionaluos izgleiteibys kompeteņcis centru “Ogres tehnikums” reikuoja radūšūs dorbu konkursu “Govju parāde”. Rēzeknis Muokslys i dizaina vydsškolys audzieknis Harijs Ločmelis ar zylū gūvi tymā dabuoja 2. vītu treisdesmit dorbu konkursā.

“Īdvesmi konkursa dorbam smieļūs vosorys ceļuojumā pa Kūrzemis pīkrasti, pamatideju sovam dorbam izmontuoju teiku par zylū gūvi,” soka tūpūšais muokslinīks. Konkurss “Govju parāde” veicynoj jaunīšu muokslinīcyskuos izpausmis, vīnlaikus rodūt jūs interesi i pietejūt gūvs nūzeimeigumu kai vīnu nu Latvejis pīnsaimnīceibys simbolu i folklorā, i dzīvē. Vidis dizaina izgleiteibys programys apaškprogramā Dekorativuo tieļnīceiba teik generātys idejis, eksperimentāts ar vysaidim tieļnīciskajim materialim, kab jaunīši izprostu muokslys i dizaina nūzeimi daīmamys dzeivis vidis veiduošonā.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta līdzekļu projekta “Robežlīnijas” ītvarūs.