Roksta autore:  Ināra Groce, žurnals „A12“

Itūvosor Latgolys cīmā Indrā durovys attaiseja Laimis muzejs. Laimi Indrā var atrast naizcaltajā luteraņu bazneicā, kura damāruota fantazejom par tū, kas varātu byut laime.

Muzeja gide Ilona Kangizere laimis rasšonūs pamatoj ar kimiskūs procesu nūrisi cylvāka organismā, tok puorejom laimis muzeja idejis autorem – Ērikai Zarovskai i Andželai Kuzminskai ir cyts pasavierīņs. Vīna nu laimis formulu i muzejā, i indrīšu dzeivē skaņ – es asmu laimeigs, dzīvojūt Indrā. Ērika pīzeist, ka Indrys atsarasšona atstotu ir veiksme i partū taišni itei vīta ir vysvaira pīmāruota Laimis muzejam. Spreideits jau ari laimi meklēt devēs pasaulī, bet atroda sātā. Lai saprostu, ka tuoli navajag meklēt, tok ceļš paceli nu sātys ir juonūīt. Indra ir Latvejis rūbežlineja, vīns nu tuoluokūs punktu ceļā nu Reigys iz Latvejis austrumu rūbežu, partū muzeja stuostejums atceļā ir puordūmu laiks. „Mes esam ceļā i atsagrīžam sātā. Mums ir vajadzīgs laiks, lai padūmuotu. Partū, taišni ceļojūt, ir laiks padūmuot i paviertēt, i atsagrīžūt rūnās sacynuojumi i puordūmys. Laime, pa pyrmam, byut vasalam i zynuot, ka tovim tyvuokajim vyss ir kuorteibā. Patīseibā, svareigi, lai vysim apleicejim ari byutu kuorteibā, lai tu pats justūs laimeigs,“ pīzeist Ērika.

Laimis muzejā var izmieginuot, mozais, sešus laimis ceļus – orklys i gruobeklis ir stuosts par endorfinim, kuri rūnās gryuta dorba rezultatā. Skaistums i riskys ari vīns nu veidu, kai nūgiut laimi. I vēļ muoksla – muzyka i radūšums, kurs cylvākam roda palīkūšu laimis sajiutu. Muzeja interjera izveidē ir izmontuotys cīmā salaseituos viesturiskuos mebelis, drēbis i lītu dizains.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta līdzekļu projekta “Robežlīnijas” ītvarūs.