Roksta autors: Latgolys entuziastu grupa “Biļdis”

Sastajā raidejumā “Laika leigučuos” par latgalīšu volūdu, tuos lītuošonys i vuiceišonys īspiejom školā. Raidejums īsaver paguojušuo godu symta 90. godu beigu i 21. godu symta suoku diskusejā par latgalīšu volūdu i redzīņūs par latgalīšu volūdys vaicuojumim myusu dīnuos. Voi vaira nakai 20 godu laikā ir kas mainejīs?

Raidejums īpazeist Aivaru Mackeviču, kurs pazeistams kai turisma nūzaris puorstuovs. Sovulaik Aivars, byudams students, apvīnuojs studentus, kas īt nu Latgolys , i veiduojs Latgolys Studentu centru, pīsadalejs nūtikšonuos Latvejis naatkareibys atjaunuošonys laikā.

Latgolys kulturtelpys aktualitašu sadaļā raidejums īsaver 6. novembrī nūtykušajā 13. Saeimys sēdē, kurā vairuoki nu Latgolys īvālātī deputāti nūdeve zvārastu latgaliski, atspīgeļoj Latgolys deputatu Juoņa Krišāna (Saskaņa) i Ilgys Šuplinskys (JKP) redzīņus par veicamajim dorbim.

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.