Roksta autors: Latgolys entuziastu grupa “Biļdis”

Raidejums “Laika leigučuos” saleidzynoj, kai Rūbežsardzis vuiceibu centrs Rēzenē nu 1992. gods atsateistejs par Vaļsts Rūbežsardzis koledžu, kai mainejusēs infrastruktura i kaidūs apstuokļūs teik eistynuots studeju process myusu dīnuos.

Kai Latgolai nūzeimeigu personeibu raidejums īpazeist ilggadejū Rakstnīceibys i muzykys muzeja golvonū kruojuma globuotuoju Annu Eglienu. Jei veiduojuse pyrmū F. Trasuna muzeja “Kolnasāta” ekspoziceju i populariziejuse Latgolys literatu atstuotū montuojumu.

Latgolys kulturtelpys aktivitašu sadaļā par nu Latgolys īvālātūs deputatu Janinys Jalinskys (ZZS) i Ingys Goldbergys (Saskaņa) redzīni, kū juos gryb padareit Latgolys regiona atteisteibā.

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.