Rokstu sagataveja: portals lakuga.lv

9. aprelī 15.00 stuņdēs Latgolys Kulturviesturis muzejā (Atbreivuošonys alejā 102, Rēzeknē) nūtiks Viesturis šaļteņu pītura “No Rēzeknes slimnīcas vēstures (1920–1940)”, informej muzeja specialists Kaspars Strods.

1920. g. suokumā, piec Naatkareibys kara beigu, par speiti ekonomiskajom problemom, Rēzeknē pakuopiniski dorbu atjaunuoja vairuokys īstuodis, tymā storpā ari vītejuo apriņča slimineica. 

Nasaverūt iz vysaidu problemu, medicinys īstuodis beja vītejūs īdzeivuotuoju nūzeimeiga kasdīnys dzeivis sastuovdaļa. Svareigs pagrīzīņa punkts piļsietnīku dzeivē beja 1928. g. suoktuo slimineicys byuvnīceiba. Laika gaitā jaunuo uorstnīceibys īstuode palyka par Rēzeknis i Latgolys regiona veseleibys apryupis flagmani, kurā struoduoja vairuoki medicinys nūzaris profesionali (V. Gavars, P. Strūve i c.).

Viesturis šaļteņu pīturā īpazeistynuos ar Rēzeknis slimineicys viesturi i ar personeibom, kas tymā struodojušys. Pasuokuma laikā byus apsaverama ari ekspresizstuode nu Latgolys Kulturviesturis muzeja kruojuma. 

Īeja iz pasuokumu – školānim, studentim 1 eiro, pīaugušajim 2 eiro.