19. godu symta Makašānu veirīšu krakla atdarynuojums

19. godu symta Makašānu veirīšu krakla atdarynuojums

Rokstu sagataveja: portals lakuga.lv

Na ratums – muzejūs izzynuot kaidys konkretys apleicīnis etnografiskuo tārpa volkuošonys tradicejis grīžās dailamatnīceibys meistaris. Taidys personeiguos interesis mudynuota Latgolys Kulturviesturis muzejā (LKM) līceibys par Makašānu pusis (Rēzeknis nūvoda Veremu pogosts) drēbem meklēja ari Ilga Smane – Rēzeknis Tautys lītiškuos muokslys studejis (TLMS) “Dzīpariņš” daleibneica, lai darynuotu poša sovu tārpu, informej LKM kruojuma nūdalis specialiste Evita Kozule.

Lels beja jaunuos sīvītis puorsteigums, īraugūt apvydam atbylstūšu 19. godu symta veirīšu kraklu, kurs muzeja kruojumā sovulaik tics pierkuma veidā. Jis šyuts ar rūkom nu pošausta rupa lynu auduma. Piec saglobuoteibys pakuopis var sprīst, ka kraklys tics bīži nosuots, vītom luopeits. Vystycamuok jis pīderiejs kaidam zemnīka cylvākam.

Piec ryupeigys originala izpietis niu radeits ituo krakla atdarynuojums, kū veikusi I. Smane. Jei pīzeist, ka sarežgeituokais ir bejs vyspuor atrast kaidu tuo laika paraugu, partū ka muzejūs tys ass lels ratums. Informaceja maklāta ari vysaidūs laikrokstūs i žurnalūs, gruomotuos, škārsteikla resursūs i cytūs olūtūs, ari konsultejūtīs ar vairuokim specialistim. Krakla audums itūreiz pīmaklāts piec vareibys tyvuok autentiskajam. Meistare pastreipoj, ka dorbā ir svareigi izmontuot kvalitativus dīgus. Veļtejūt sovu breivū laiku, pats izšyušonys process pajiems ap pusūtra mieneša. Nu suoku beja īcarāts darynuot sīvīšu kraklu, tok jam dīvamžāļ da ituo nav izadevs sameklēt gona daudz izpietis materiala. A rūkdarbneica ir prīceiga ari par itū rezultatu. Kai nuokušū ir īcarāts darynuot Mežavydu kraklu, kuram audums tikškūts austs speciali.

Atdarynuotais 19. godu symta veirīšu kraklys LKM apsaverams sūpluok cytim TLMS “Dzīpariņš” rūkdarbneicu veikumim izstuodē “Satikšanās”, kas apmaklātuojim daīmama da 25. maja.

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]