Rēzeknis Tautys teatris prīcynuos ar komedeju “Dzymtā zemē”
Rokstu sagataveja: portals lakuga.lv
Catūrtdiņ, 6. februarī, 18.00 stuņdēs Rēzeknis kulturys nomā Rēzeknis Tautys teatris prīcynuos skateituojus ar Ontona Rupaiņa komedeju “Dzymtā zemē”.
Tys ir stuosts latgalīšu volūdā, kai piec loba laika Gabris brauc nu Reigys iz sovu dzymtū pusi, kab boguotajai jaunivei Zentai pīruodeitu, ka ari jis ir tureigs zemis saiminīks. Tok izaruoda, ka situaceja ir izamainejuse, i vysa boguoteiba – zeme – vaira napīder Gabram, bet gon sābru Annai. Attīceibu leikumi i komiskys situacejis, puordzeivuojumi i cereibys, deļ tam, ka vaca mīlesteiba naryusej.
Lūmuos: Vija Dikule, Jānis Pampe, Aldis Leidums, Ināra Apele, Sandra Juste, Rasa Deksne, Jolanta Leitāne, Kaspars Balodis, Oskars Lustiks, Gundars Kozlovskis.
Režeja – Māra Zaļaiskalns.
Telpa i kostimi – Ināra Apele.
Gaisma i skaņa – Ints Salmiņš.
Smilšu animaceja – Guna Miķelsone.
Biletis (5,00 euro, školānim, studentim, pensionarim – 3,00 euro) var nūpierkt Rēzeknis kulturys noma kasē.
