Rokstu sagataveja: portals lakuga.lv

Muzike Santa Savicka-Drozdova speciali jaunuos latgalīšu muzykys festivalam “Muzykys skrytuļs” radejuse dzīsmi. Festivals itūgod nūtiks jau ostoitū reizi nu 24. leidz 26. juļam Daugovpiļs nūvoda Leiksnā.

Sovai jaunajau dzīsmei Santa davuse festivala nūsaukumu “Muzykys skrytuļs”. Jei poša ir dzīsmis teksta i muzykys autore, kai ari dzīsmis izpiļdeituoja, aranžātuojs – Kaspars Maks, bolss īraksteits “Tamara Music Studio” (Tamāra Caurkubule), dzīsmi miksēja i masterēja Kaspars Maks.

Muzike Santa Savicka-Drozdova, kai ari festivala organizatori tur nūceju, ka vaļstī situaceja nūsastabilizēs i jaunū dzīsmi dzeivajā izpiļdejumā varēs nūsaklauseit 25. julī festivalā “Muzykys skrytuļs”. Tok niu organizatori aicynoj vysus palikt sātā i radeit vys jaunys dzīsmis ci ailis latgaliski!

Festivals “Muzykys skrytuļs” treis dīnu garumā puļcēs latgalīšu muzikus i muokslys baudeituojus nu vysys Latvejis. Festivals vysim apmaklātuojim ir bez moksys, deļtuo festivala organizatori aicynoj “kruot na tikai naudu”, a vyslobuokuos vosorys atminis!