Rokstu sagataveja: portals lakuga.lv

Latgalīšu dzīsmineica Laura Bicāne nu Daugovpiļs nūvoda Vyšku sovus klauseituojus īprīcynoj ar sovu caturtū albumu “Ikdiena”.

Albums ītver 10 dzīsmis latvīšu literarajā i latgalīšu volūdā, kuru muzykys autore ir Laura, sovukuort teksti jimti nu Svātūs Rokstu i cytu autoru dzejūļu. Lai ari dzīšmu kūpejuo hronometraža nav lela, tei veidoj kruosainu muzykys buketi. Ir gon a capella skaniejums, gon himniskys sajiutys klavīru pavadejumā, gon Laurys dzīsmem rakstureigais vīglums i gaišums perkuseju ritmūs.

“Taida ir muna kasdīna – tys, kam es tycu, veidoj munu personeibu i pavoda mani nu pasamūsšonys cauri dīnys ryupem, raizem i prīcom, leidz es īmu gulātu. I tys, kam es tycu, atsaspīgeļoj ari munuos dzīsmēm. Tai es nūguoju pi albuma nūsaukuma “Ikdiena”,” portalam lakuga.lv atkluoj muzike.

Laura nu sirds pasasoka vysim zīduotuojim, kas paleidzēja albuma topšonā, kai ari muzikim, skaņu inženerim i albuma dizaina veiduotuojim. Eipašu paļdis Laura soka izdevnīceibys “KALA Raksti” vadeituojai Aijai Balodei.

Laurys Bicānis albumu var nūsaklauseit muzykys straumiešonys vītnēs, īsaguoduot kristeiguos literaturys  i duovonu veikalā “AMNIS”, kristeigajā gruomotneicā “IHTIS”, bazneicu gruomotu goldūs, kai ari mieramtuvu.lv.