Rokstu sagataveja: portals lakuga.lv

Ludzys nūvodā 7. i 8. augustā nūtiks V Latgolys stuostnīku festivals “Omotu stuosti”, ituo gods tema ir audiejis.

Latgolys stuostnīku festivala ītvorūs 7. augustā Isnaudys tautys nomā paradzāta tikšonuos ar tekstilmuokslineicu Anneli Slišāni i lelais stuostu vokors. Sovutīs 8. augustā Ludzys Nūvodpietnīceibys muzejā pyrmsškolys i suokumškolys bārni ir aicynuoti iz bārnu reitu. Ludzys vacpiļsātys laukumā stuostnīki uzastuos amatnīku tierdzeņā “Seno arodu diena”. Kai ari byus zynuotneicys Anetis Karlsonis lekceja i meistardarbneicys.

Organizatori aicynoj stuostnīkus dasasaceit V Latgolys stuostnīku festivalam “Omotu stuosti”, vaira informacejis UNESCO Latvejis Nacionaluos komisejis sātys lopā.