Rokstu sagataveja: portals lakuga.lv

25. julī nūtiks latgalīšu muzykys festivala “Muzykys Skrytuļs” tīšraide škārsteiklā i Leiksnys muižys parkā iz leluo ekrana, informej festivala koordinatore Sanita Pinupe.

Pyrmū reizi festivala viesturē pasuocīņs nūtiks digitali. Nu 16.00 da 24.00 stuņdem dzērdēsit i redzēsit latgalīšu muzyku, sarunys, jūkus, deju performancis. Itymā godā pīsadaleis Ansis Ataols Bērziņš, repere Ūga, Kārlis Kazāks, “Trešīs Ņutona lykums”, Santa Savicka-Drozdova i grupa “Visi Savi”, Ivars Štubis, Aija Izaks, Dainis Adijāns, Brigita Madelāne, Vinsents Kūkojs, Arnis Slobožaņins i “Dabasu Durovys”, “Žvūrgzdyni”, “Jezups i muosys”, “Latgalīšu reps”, “Nagaidoma prīca”, “Rikši”, Unknown Artist, Stage On un koris “Latgale”, Sovvaļnīks, Armands Ozoliņš, Džeina Gavare, DK “Daugaveņa”, DK “Daidala”, DA “Laismeņa” i cyti muokslinīki. Tīšraidis laikā īmīļuotuo vadeituoja Māra Suseja vadeibā tiks izspālāti dažaidi konkursi, stuosteiti kuriozi i satykti interesanti cylvāki.

Tīšraide tiks nūdrūsynuota škārsteikla lopā: facebook.com/muzykysskrytuls, taipat festivala sižetus raideis radejis viļņūs. Daleibnīku uzastuošonys laikus i konkretys škārsteikla vītnis meklej festivala facebook.com sātys lopā nu 20. juļa.

Festivalu tradicionali reikoj Leiksnys pogosta puorvaļde i festivala iniciatoru grupa, savukuort finansiali atbolsta Latgolys Regiona atteisteibys agentura, Vaļsts kulturkapitala fonds i AS “Latvijas Valsts meži”.