Rokstu sagataveja: portals lakuga.lv

Nu 2. leidz 5. septembram sastū reizi nūtiks sarunu festivals “LAMPA”. Kūpumā byus daīmams vaira kai 200 nūtykumu, tūs varēs vāruot organizatoru škārsteikla lopā ci ari kluotīnē. 5. septembrī vairuokys nūtikšonys gaidomys Rēzeknē, i vīna nu tūs ir portala lakuga.lv organizātuo diskuseja par regionalūs medeju vuojajom pusem, izaicynuojumim i prīkšrūceibom.

Festivala “LAMPA” Rēzeknis studeja byus īreikuota Latgolys viestnīceibā GORS i tamā nu 11.30 da 19.30 stuņžu nūtiks vairuokys diskusejis, kurys varēs vāruot ari https://festivalslampa.lv, tīpat daīmama ari vysa festivala programa.

Rēzeknis programu 11.00 stuņdēs īsuoks portala lakuga.lv reikuotuo diskuseja “Kādas ir reģionālo mediju vājās puses, izaicinājumi un priekšrocības?”. Tai 12.30 stuņdēs sekuos saruna “Pilsēta cilvēkiem reģionos — sapnis vai realitāte?”, piečuok 14.00 stuņdēs – “Vai viegli izveidot un uzturēt krievvalodīgu mediju?”. 15.30 stuņdēs suoksīs diskuseja “21. gs. Sprīdīši: remigrācija”, piečuok sekuos diskuseja “Dažādi un vienoti — Latgales stāsts”, sovukuort Rēzeknes programu 18.30 stuņdēs nūslēgs diskuseja “(ne)Veiksmes stāstu sesija “Drosme kļūdīties””.