Rokstu sagataveja: portals lakuga.lv

Daugovpiļs Latvīšu kulturys centrs sadarbeibā ar folklorys kūpu “Svātra” reikoj Latgolys folklorys školu. Suocūt ar 5. Septembri, interesenti varēs dasadaleit vairuokuos darbneicuos i meistarklasēs.  

Folklorys školys dalinīkus sagaida vairuokys nūdarbeibys tradicionaluos kulturys izzynuošonai, vysaidys meistarklasis i paraugdemonstriejumi gon tradicionalū muzykys instrumentu, pīmāram, bubyna i kūklis, spēlē, tautys dejuos i rūtaļuos, gon ari tradicionalajā dzīduošonā. Meistarklasis pasnēgs gon pietnīki, gon etnomuzikologi, gon ari pedagogi.

Iz instrumentu spēlis nūdarbeibom dalinīkim byus juoīt ar sovim muzykys instrumentim. Ka sova instrumenta nav, dalinīks varēs vāruot meistarklasi nu molys.

Folklorys školā vītu skaits ir īrūbežuots. Dasasaceišona obligata pa telefonu 29118992.

2020. gods folklorys školys pylnū nūdarbeibu programu var skaiteit ITE.