Latgolys kulturys tests
Sagataveja: Sandra Ūdre, portals lakuga.lv
Kulturys tests par kulturys dzeivi Latgolā 2020. goda gaitā i jaunuokajim izdavumim literaturā, muzykā, kuru 3. kuortā vajadzēja izpiļdeit 20. atkluotuos vaļsts olimpiadis latgalīšu rokstu volūdā i kulturviesturē dalinīkim. Sovys zynuošonys testā pīduovojam puorbaudeit ari portala lakuga.lv skaiteituojim!
Results
#1. 2020. g. 23. decembrī Ontonam Kūkojam palyktu 80. Ontona jubilejis godā tyka puorizdūta dzejis gruomota “Mīlesteiba, Lelais Līpu kolns” i īstudāta dzejis video izruode ar itim tekstim. Kai sauc izruodi?
#2. Andryva Jūrdža 175. jubilejai veļteits pasuokums “Suprātka Kuorklinīkūs jeb Andryvam Jūrdžam 175” i Jōņa Cybuļska saraksteituo biografeja par izcylū nautrānīti. Parkū Andryva uzvuordu roksta Jūrdžs, na Jurdžs kai cytim juo dzymtys puorstuovim?
#3. Alda Bukša kriminalromanā “Bruoli”/”Brāļi” kai viesturisks veiriškeibys paraugs izcaltys Latgolys partizanu pulka Latvejis atbreivuošonys ceinis 1919.–1922. godā i nacionalūs partizanu pretuošonuos padūmu varai 40. godūs. Kai sauce Zīmeļlatvejis nacionalūs partizanu vīneibys vadeituoju, kura dzymtuos sātys vītu romanā atrūn i slaponi apmeklej Krīvejis pusē Kristaps Tārauds?
#4. “Boņuks 2020” par myuža īguļdejumu – keramiķam i dzejnīkam Voldemāram Vogulam. Jam ir izguojuši pīci dzejūļu kruojumi. Kurs nav V. Vogula kruojums?
#5. Latgalīšu dzīšmu kruojumā “Muna dzīšmu gruomota” apkūpuotys 300 dzīsmis latgaliski – i tautysdzīsmis, i autordzīsmis, kurys aptver ap 100 godu ilgu periodu – nu 20. g. s. suoku da pat 2019. gods ūtrai pusei. Kurs ir sastatejs “Munu dzīšmu gruomotu”?
#6. Kas ir “The Last Model/Pādejais modeļs”?
#7. Kurs ir Annai Rancānei veļteituo koncertuzvaduma “Latgolys freska” muokslinīcyskais vadeituojs?
#8. Kai sauc postfolklorys grupys “Rikšu” trešū albumu?
#9. Grupa “Tautumeitas” izdeve albumu “Dziesmas no Aulejas”, kurymā apkūpuotys autentiskys Aulejis pusis dzīsmis. Ar kura etnografiskuo ansambļa darbeibu saistuos Aulejis tradicionaluo muzyka?
#10. Kurs nu itūs ir reals muzykys albums?
#11. Kaidā vuordā vēļ sauc Ludzys igauņus?
#12. Folklorys kūpa “Upīte” catūrtajā albumā “Padzīdam i…” ir 17 Zīmeļlatgolys dzīsmis. Kas ir juos sovulaik pīrakstejs?
#13. Latvejis sabīdryskūs medeju goda bolvys kulturā “Kilograms kultūras 2020” laureats kategorejā “Muzyka” ir Raimonda Paula i Ivetys Apkalnys koncerts vargaņu muzykys festivalā “ORGANismi”. Kur nūtyka R. Paula i I. Apkalnys koncerts?
#14. Kurei Latgolys kulturys instituceja publikys bolsuojumā itūgod tyka pīzeita par “Kultūrvītu” i sajēme Latvejis sabīdryskūs medeju goda bolvu kulturā “Kilograms kultūras 2020”?
#15. Repere Ūga nu apvīneibys “Ausmeņa Records” izdavuse albumu “LG ir HH“. Kurais albums jai tys ir?
#16. Kuri ir Nikodema Rancāna pseidonimi?
#17. Kaidim burtim latgaliski raksteja Pīters Miglinīks ?
#18. Kod dybynuota Latgolys Kulturys centra izdevnīceiba?
#19. Režisors Vīsturs Kairišs ir uzjiems filmu “Piļsāta pi upis”. Kura nu itūs ari ir juo filma?
#20. Kuramā 2020. g. izguojušajā Latgolys viesturei i kulturviesturei veļteitā gruomotā pīmynāts “Zylais banans” (fraņču geografu grupys Brunē vadeibā īdūts apzeimiejums ryupnīcyski atteisteituokajam regiona Vokoru i Centralajā Eiropā)?
