Rokstu sagataveja: portals lakuga.lv

Apguods “Jumava”, sasadorbojūt ar Latejis Pošvaļdeibu savīneibu, izsludynoj manuskriptu konkursu “Novadpētniecība novados”, tuo honoraru fonds 8000 eiro. Dorbus juoīsnādz leidz 2021. gods 1. augustam, viestej apguoda “Jumava” izplateituo informaceja.

Konkursa mierkis ir ceļt Latvejis nūvodu cylvāku pošapziņu i popularizēt kulturviesturiskū montuojumu, stuostūt par myusu zemis pamatu – nūvodu kulturu, styprajom latvīšu saimem i saimis tradicejom.

Vaira informacejis i konkursa nūlykums ITE.

2013. godā ar Bolvu nūvoda pošvaļdeibys atbolstu apguods “Jumava” izdeve Bolvu Vaļsts gimnazejis školuotuojis, nūvodpietneicys Irēnys Šaicānis gruomotu “Balvi un balvenieši 20. gadsimtā “Staņislava” stāstos”. Gruomota viestej par 20. godu symta viesturis nūtykumim Bolvūs. Tuos golvonuo vierteiba izpieteitajūs viesturis olūtūs, kurus papyldynoj baļvenīšu atmiņu stuosti. Gruomotā īkļautys gon 20. g. s., gon myusu dīnu fotografejis, lai varātu redzēt i nūviertēt, kai vīni i tī poši objekti laika gaitā ir mainejušīs.