Rokstu sagataveja: portals lakuga.lv

21. augustā septeņuos stuņdēs vokora Rēzeknē, Atbreivuošonys alejā 142, uora atpyutys vītā “Fresh Terase”, nūtiks Evikys Muizniecis mini personalizstuodis “Laipni lyugti munā golvā” atkluošona.

Par sovu mini personalizstuodi Evika soka: “Munā saimē tekstu pavieļneica ir mama, zeimuli sovukuort labi muocēja turēt tāvs i tāva rodi, tok jim obejim dzeivis celi aizvede apleik raksteišonai i zeimiešonai kai rodūšai izpausmei. Itū izstuodi es veļteju jim – mamai, ar kurys īlyktū talantu es rokstu, i tāvam, ar kura īlyktū talantu es turu zeimuli.”

Leidz šam E. Muizniece beja vairuok zynoma kai dzejneica Karonhisake, pādejā laikā pīsavārsuse prozys raksteišonai. Itūgod gaidoma ari Karonhisake dzejis kruojuma izīšona. Nūsaklauseit juos konkursa “Latgolys prozys skaitejumi 2020” finala dorbu “Daina, kas Tev vainas?” i puorskaiteit sarunu ar jū var ITE.