Rokstu sagataveja: portals lakuga.lv

10. septembrī 14.00 stuņdēs Latgolys Kulturviesturis muzejā (Atbreivuošonys alejā 102, Rēzeknē) nūtiks tematisks pasuokums “Rēzeknes latviešu biedrība “Tautas pils””, informej Latgolys Kulturviesturis muzeja specialists kulturviesturis vaicuojumūs Kaspars Strods.

Storpkaru periods īnese jaunys vāsmys vysaiduos dzeivis nūzarēs vysā Latvejis teritorejā. Ari Rēzeknē tys beja nūzeimeigs puormeju i atteisteibys pūsmys.

Par vīnu nu svareiguokūs organizaceju piļsātys kulturys dzeivis veiduošonā palyka Rēzeknis latvīšu bīdreiba “Tautas pils” i juos eistynuotuos aktivitatis. Pasuokumā kūpā ar viesturneicu i žurnalisti Lauru Melni varēs izzynuot, kai veiduojuos itei bīdreiba i kaidu lūmu jei ījēme Rēzeknis i vysys Latgolys kulturys dzeivis atteisteibā.

Īeja pasuokumā breiva i ar dereigim Covid-19 vakcinacejis i puorslymuošonys sertifikatim, paruodūt personu aplīcynūšu dokumentu.