“Giut breidi” aba pyrmais plānuotuojs latgaliski uzjam apgrīzīņus

“Giut breidi” aba pyrmais plānuotuojs latgaliski uzjam apgrīzīņus

Roksta autore: Sintija Augustova, portals lakuga.lv

Okobra vydā latgaliskū kulturtelpu papyldynuoja vēļ vīna vareiba dareit, dūmuot i dzeivuot latgaliski – plānuotuojs “Giut breidi” latgalīšu volūdā. Sekojūt plānuotuoja gaitom tuo “Instagram” kontā, var redzēt, ka vys vēļ turpynojās aktiva plānuotuoja rodūšuos komandys darbeiba i pa šaļtei pasaruoda kaids jaunums latgaliski. Pavaicuoju plānuotuoja idejis autorei Līgai Springai par tū, kai ir paguojs pyrmais mieness, kod ir bejuse vareiba plānuotuoju nūpierkt, kai ari par tuoļuokajim planim rodūšajā darbeibā.

Līga stuosta, ka niu vysa komanda ir prīceiga i gavilej par kotru pasyutejumu. “Jemūt vārā, ka vysu dorom pošys – suocūt ar ideju i pakuošonys dorbim, nūdūšonu kurjeram, mes prīcojomēs, ka darbeņš mums ir kotru vokoru”. Plānuotuoji ir daīmami treis dizainūs – ružovā, malnā i malnā ar metaliskim styureišim, popularuokais ir malnais, tok Līga vysim īsoka jimt rozā, kab kasdīna suocās ar gaišom kruosom.

Karteņā: “Giut breidi” plānuotuojs malnūs vuokūs, publicitatis biļde

Ka plānuotuoju pasyuta kaids nu Rēzeknis, Daugovpiļs, Preiļu voi Reigys, ir daīmama bezmoksys pīguode i sasatikšona ar kaidu nu rodūšuos komandys. “Sateikūt cylvāku, kuram personeigi pīguodojam plānuotuoju, pasaruoda sajiuta, ka mes ka ba asam pazeistami, nazkur pyrma ituo sasatykuši voi pat dzāruši čaju kūpā,” stuosta Līga.

Komandai jau ir daudz plānu cytim projektim. Līga pīzeist, ka sepinej vysu laiku. “Niu pats svareiguokais ir kūpeigais mierkis i dzierksts acīs. Svareigai, ka myus atbolsta, izruoda interesi par “Giut breidi” – tys ir leluokais stimuls, kas vairoj energeju”.

“Instagram” kontā var pamaneit, ka daudzuos biļdēs kluot plānuotuojam ir raibys i malnboltys uzleimis ar tekstim latgaliski – tuos ari ir plānuotuoja rodūšuos komandys dorbs. “Uzleimis ir taiseitys ar dūmu papyldynuot plānuotuoju, kurš piec byuteibys ir mīreigs i veiduots tai, kab kotram byutu īspieja izapaust individuali. Uzleimu grafiskuo dizaina muokslineica ir Liāna Merņaka-Ņikitina, tok Amandai Anusānei aba @muna_muoksla “Instagram” konta eipašneicai ir breineigs kierīņs iz izcylom frāzem, leluokū daļu uzleimēs radzamuo teksta ir veiduojuse Amanda, jei ari turpynoj īmyužynuot “Giut breidi” kadrus,” skaidroj Līga.

Ir divu veidu uzleimis – malnboltys i spylgtuokys. Tymuos ir vyss – zeimiejumi, sajiutys, eisys frāzis, uzmundrynuojumi, humors i motivaceja.

Karteņā: “Giut breidi” uzleimis latgaliski, publicitatis biļde

“Giut breidi” ari atbolsta Pīktū pasauļa diktatu latgalīšu volūdā, tam par gūdu ir ari uzleimis. “Latgolā ir cīši daudz skaistu nūtykšonu, kulturys pasuokumu, literaturys i muzykys latgaliski. Uzleimis, kas ir veļteitys latgalīšu diktatam, ir myusu aicynuojums kasdīnā vuiceitīs, raksteit i runuot latgaliski. Vysam ir suokums, cereju, ka uzleimis ari kaidam byus suokums latgalīšu volūdys populariziešonai,” skaidroj Līga.

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]