Ligijis Purinašys dzeja “Radio Naba” video formata izlasē “Nāc d(z)ejot!”
Rokstu sagataveja: portals lakuga.lv
“Radio Naba” suokuse publicēt pyrmūs audiovizualūs dorbus nu laikmeteiguos dzejis antalogejis “Nāc d(z)ejot!”, kas ir jau tradicejom boguotuos dzejis izlasis “Dzejas disks” 7. izdavums, itūreiz daīmams škārsteikla vidē audio i video formatūs. Vīns nu 13 topušūs audiovizualūs dorbu ir ar Ligijis Purinašys dzeju “mums mīlesteibys ir vaira kai naudys”, viestej “Radio Naba” sātyslopa.
“Nāc d(z)ejot!” ir storpdisciplinars dzejis-dejis-muzykys-video muokslys projekts, kas turpynoj “Radio Naba” tradiceju kas puorgodus izdūt audialys laikmeteigys dzejis antalogejis ar konceptnūsaukumu “Dzejas disks”. 13 vysaidu reflekseju video formatu veiduošonā par laiku, telpu i cylvāku īsasaisteja 13 dzejnīki, 3 laikmeteiguos dejis horeografis, muziki, kas rezidiejuši vaira kai 3 vaļstīs, video muokslinīki i dizaina veiduotuoji. Dzejis disks pīsavierš dzejnīku tekstim i muokslinīkim, kurī īmīsoj i formys lauzšonu i izaicynuošonu, i ari mudynuojumu iz kusteibu i īsaisti gon kerminī, gon pruotā. Izlasē atrūnama dzeja – latvyski, krīvyski i latgaliski ITE.
Video ar Ligijis Purinašys dzeju “mums mīlesteibys ir vaira kai naudys”:
