Tests: kū zyni par 2021. gods Latgolys symtgadnīkim?
Testa autore: Sandra Ūdre, portals lakuga.lv
2021. godā beja daudz jubileju, kai nikod atzeimojams “100” na viņ cylvākim, ari izdavumim, īstuodem, nūtikšonom. Izpyldūt itū testu, vari na viņ puorbaudeit sovys zynuošonys Latgolys kulturys viesturē, tok ari izzynuot jaunus faktus.
Results
#1. Viļānu vydsškolys geografejis školuotuojs i nūvodpietnīks Napoleons Rudko (1921–2001) ir izveiduojs i dybynuojs Viļānu Nūvodpietnīceibys muzeju. Jū interesiejuse ari vysys Latgolys viesture. Kuram nu itūs pietejumu jis ir leidzautors?
#2. Kaidu žurnalu 1921. godā suoc izdūt Latgolys Školuotuoju savīneiba?
#3. Kura ir 2021. gods jubilara Eugeņa Karūdznīka (1921–2003) popularuokuo komponātuo dzīsme?
#4. 1921. gods 10. oktobrī dybynuotuo Latgolys lauksaimnīceibys vydsškola niu ir populara pyrmuo leimiņa profesionaluos augstuokuos i profesionaluos videjuos izgleiteibys īstuode. Kai jū sauc myusu dīnuos?
#5. Zynuotneica Antonija Karule (1921–2001) napaspēja izdūt manuskriptu par Latgolys školu viesturi. Jei ir leidzautore daudzom padūmu laika ābecem, dabuojuse zynuotņu kandidatis, doktoris grādus. Kura ir juos zynuotņu nūzare?
#6. Žurnalā “Zīdūnis” sovys literata gaitys suokuši pazeistamī latgalīšu rakstnīki, kai Aļberts Sprūdžs, Konstantins Raudive, Juoņs Klīdziejs, Ontons Rupaiņs. Pyrmajā numerī gon daudz naatmynamu pseidonimu autoru. Kai seve nūsaucs izdeviejs?
#7. Viesturis doktors, arheologs Vladislavs Urtāns (1921–1989) dzims Ludzā, struoduojs Modūnis Nūvpdpietnīceibys muzejā, vadejs daudzus arheologiskūs izrokumus, sarakstejs ap 70 zynuotnisku rokstu, kūpā ar Jāni Graudoni popularzynuotnisku gruomota “Senatnes pēdās” (1961). Kai sauc V. Urtāna 1977. godā izdūtu monografeju?
#8. Popularuo povuorgruomotu raksteituoja i kulinarejis kursu vadeituoja Nina Masiļūne (1921–2019) ir ari pyrmuos i pagaidom vīneiguos povuorgruomotys latgaliski autore. Kaidus omotus Latvejis Republikā ījēme juos tāvs politiks Pīters Zadvinskis (1891–1965)?
#9. 1921. gods 24. aprelī Rēzeknē nūtyka Latgolys zemnīku 1. kongress. Kaida apsprīžama vaicuojuma sakarā?
#10. 1921. gods 25. februarī Nautrānu pogosta Dekterūs dzims tieļnīks Ontons Velikāns, veiduojs kopu pīminekļus latgalīšu kulturys darbinīkim, kai Andryvam Jūrdžam, Pīteram Miglinīkam, Ontonam Rupaiņam, Valerijai Seilei i cytim. Ar kuru tieļnīku jis sasadorbuojs?
#11. 1921. godā suoc izīt laikroksts “Jaunō Straume”, redaktors – Jezups Trasuns. Kaidys partejis izdavums tūlaik jis ir?
#12. 1921. godā Aglyunā nūdybynoj katuolisku veirīšu realgimnazeju, ari Ludzā teik atvērta latvīšu realgimnazeja. Kaidom zineibom pīgrīž viereibu realgimnazejā?
#13. 1921. gods 12. majā dybynuota pyrmuo Latgolys studentu organizaceja “Latgolas studentu savīneiba”, kas 1925. godā palīk par “Latgolas studentu bīdreibu”, a 1932. godā – par korporaceju “Montania”. Kaids ir vīna nu pīcu organizavcejis dybynuotuoju Pītera Baško literarais pseidonims?
#14. 1921. gods 10. aprelī Rēzeknē nūtyka Latgolys teatra pyrmuo izruode – beļģu rakstnīka Morisa Meterlinka luga “Māsa Beatrise”. Kurs beja teatra administrators, vāluokais tautys lobkluojeibys ministrs?
#15. 1921. gods 17. julī Rēzeknē tyka sareikuots pyrmais oficialais volejbola mačs Latvijā. Kaidys komandys sasatyka?
